منیم سؤزلریم

منیم سؤزلریمده یالان اولمادی

اودورکو دؤورمده قالان اولمادی

 

آختاردیم دوست تاپام تاپا بیلمدیم

دردلری ساتیردیم آلان اولمادی

 

قودوز قورد مئیداندا باغیردی منسیز

چاغیردیم مئیدانا دولان اولمادی

 

کومیه چاغیردیم چوخ اینسانلاری

گلمگه داغلاردا دالان اولمادی

 

ایسته دیم سازیمی گوردوم سینیپدی

اوسینیق سازی بیر چالان اولمادی

 

آت گوردوم یهری اوزندن باها

ائششگین اوستنه پالان اولمادی

 

اوزگه نین ایلانی اژداها چیخدی

بیزیم اژداهامیز ایلان اولمادی

 

چوخلارین یادینا اؤزوم  گیرمیشم

یادینا هئچ منی سالان اولمادی

 

"ویصالی" تاپاجاق داغلارین داغی

داغلارین داغیدا قافلان اولمادی

محمد علی رستمی ( وصال )

سید رضا موسوی ; ٢:٤٧ ‎ب.ظ ; ۱۳٩٢/٥/٢٩